 |
खोलामा डुबेर गाडी र मोटरसाईकलको ईञ्जिन बिग्रीदाँ सवारी धनीहरुले लाखौको नोक्सानी ब्यहोर्नु परेको छ । रुप्से खोलामा मोरटेबल पुल निर्माणमा ढिलाई हुँदा बेनी जोमसोम सडकमा यात्रा गर्ने सर्वसाधारणहरुले निकै दुख र सास्ती ब्यहोर्नुपरेको छ । स्थानीयबासीका साथै मुस्ताङ भ्रमणमा जाने आउने पर्यटक र तिर्थयात्रीहरु पनि काठे पुलबाट खोला तर्ने गरेका छन् ।
५१ लाख रुपैया लागतमा २०७१ असार ५ गतेसम्म सम्पन्न गर्ने लक्ष्य राखिएको रुप्से खोला पुलको २०७२ असार सम्म दुईतर्फ पिलर ठड्याउने काम मात्र सम्पन्न भएको छ । ठेकेदारको ढिलासुस्तीले गर्दा समयमै काम सम्पन्न हुन नसकेको सडक डिभिजन कार्यालयले जनाएको छ । १० मिटर लामो उक्त पुल निर्माण गर्न बिएन जागृती जेभीले ठेक्का पाएको थियो । रुप्से बाहेक बेनी जोमसोम सडकको महभिर, तातोपानी, डुवाडी, मुस्ताङको कोवाङ र तङसेरा खोलामा कल्र्भट तथा पुल निर्माण कार्य भने सम्पन्न भएको छ ।
|
0 comments:
Post a Comment